«Baspasóz, radıo, ınternet-jýrnalıstıka salasyndaǵy «Úrker-2017» ulttyq syılyqqa qatysý úshin ótinimderdi qabyldaý www.urker-2017.el.kz saıtynda jalǵasyp keledi, syılyqtyń maqsaty elimizdiń talantty jýrnalısteri men sapaly medıa-jobalaryn anyqtaý jáne marapattaý», dedi vıse-mınıstr.
«Qazkontent» AQ Basqarma tóraǵasy E. Kochetovtyń sózinshe syılyqtyń júlde qory – 15 mıllıon teńge. «15 nomınasııa boıynsha árbir jeńimpaz 1 000 000 teńgeden alatyn bolady. 7 mamyrynan bastap baspasóz, radıo jáne ınternet-jýrnalıstıka salasynda qalam terbep júrgen qaýymǵa arnalǵan mártebeli syılyqqa qatysýǵa 300-den asa ótinish qabyldanǵanyn atap ótý qajet. Úmitkerler ásirese «Úzdik suhbat», «Úzdik fotosýret», «Úzdik reportaj» atalymdary boıynsha baqtaryn synap kórýge peıildi» dedi spıker.
E. Kochetovtyń málimetinshe qazirgi ýaqytta «Jýrnalıstıkadaǵy debıýt», «Úzdik respýblıkalyq baspa basylym», «Úzdik jyl jýrnaly», «Úzdik óńirlik baspa basylym», «Qaznettegi medıaserpin» nomınasııalary boıynsha úmitkerler sany az bolyp otyr.
Spıker, syılyqtyń laýreattaryn marapattaý rásimi baılanys jáne aqparat qyzmetkerleriniń kásibı merekesi – 28 maýsym kúni saltanatty jaǵdaıda ótetinin atap ótti.
Atalǵan sharanyń uıymdastyrýshysy – «Qazkontent» AQ. Al, syılyqtyń quryltaıshysy - Qazaqstan Respýblıkasynyń Aqparat jáne kommýnıkasııalar mınıstrligi.
Raýan Qaıdar,
"Egemen Qazaqstan"